நல்லாட்சியையும், ஊழல் கட்டுப்பாட்டையும் மேம்படுத்துதல் என்பதில் ஊடகங்களின் நடிபங்கு மிக முக்கியமானதாகும்.
இது தனியே ஊழல் பற்றியும் அதற்கான காரணங்கள் பற்றியும், அவற்றின் விளைவுகள் அவற்றுக்கான தீர்வுகள் என்பவை பற்றிமட்டும் அறிவூட்டுவது அல்லது, அத்துடன் ஊழல் சம்பவங்கள் பற்றி அறிக்கைப்படுத்துவதுமாகும்.
தகவல்களின் கிடைப்பனவு வெளிப்பாட்டுச் சுதந்திரம் என்பவற்றோடு புலனாய்வுப் பத்திரிக்கையாளனின் தொழில்வாண்மையான துறை மற்றும் ஒழுக்கவியல் செயல்நிலைப் பிரிவு என்பவற்றிலேயே ஊடகங்களின் பயனுறுதிவாய்ந்த தன்மை தங்கியுள்ளது.
ஊழல் என்றால் என்ன?
நேர்மை நாணயம் என்பவற்றோடு நடக்க வேண்டிய ஒரு நபர் எங்கே நேர்மையீனத்துடன் குற்றமென்று தெரிந்தும் இலஞ்சம் பெற்றுக் கொள்கிறாரோ (ஏற்றுக்கொள்கிறாரோ) அது ஊழலாகும்.
ஏதேனும் பொது (அரச) அல்லது தனியார் அல்லது கடமை தொடர்பாக பொறுப்பளிக்கப்பட்டவர்கள் அவர்களின் கடமையையாற்றுவதற்கு அவர்களிற்கு சட்டபூர்வமாக உரித்தாகவுள்ள கொடுப்பனவுகளுக்குப் புறம்பாக வேறு ஏதாவது வகையில் அவனோ/அவளோ ஏதும் கொடுப்பனவுகளுக்கு வற்புறுத்துவது ஊழல் ஆகும்.
எங்கே தமக்கு விதிக்கப்பட்ட ஒழுங்குகளின் அடிப்படையில் கடமைகளிற்குப் புறம்பாக தமது சொந்த இலாபங்களிற்கு தமது அதிகாரங்களைத் துஷ்பிரயோகம் செய்கிறார்களோ அங்கே ஊழல் இடம் பெறுகிறது.
பொதுச் செயற்பாடுகள் (அரச) மூலம் தனிப்பட்டவர்கள் நன்மை பெற்று அது அரசாங்கத்திற்கும் பொதுமக்களிற்கும் நட்டத்தை விளைவிக்க காரணமாக அமையுமெனில் அது ஊழலாகும்.
அதிகாரத்தை கொண்டுள்ளவர்கள் தமது அதிகாரத்தை துஷ்பிரயோகம் செய்தல்.
சொந்த நலன்களிற்காக (இலாபங்களிற்காக) சட்டபூர்வமற்ற செயற்பாடுகளை செய்ய விரும்புதல்.
தவறான செயல்களைச் செய்யுமாறு தூண்டுதல்.
தனது கடமையைச் செய்வதற்கு ஒருவர் ஏதாவது வெகுமதிகளை எதிர்பார்த்தல்.
ஊழலின் வடிவங்கள்
- பெரிய மற்றும் சிறிய ஊழல்கள்
- வெளித்தெரிகின்ற வகையில் பிறரால் தூண்டப்பட்டிருந்த ஊழல்(Active)
- வெளத்தெரியாத தன்முனைப்பல்லாத ஊழல் (Passive)
- இலஞ்சம்
- தன் பொறுப்பிலுள்ள பொருளை /பணத்தைக் கையாடுதல்
- திருட்டு மற்றும் ஏமாற்று மோசடி
- அச்சுறுத்திப் பணம் பறித்தல்
- நம்பிக்கை மோசடி (நம்பிக்கை துஷ்பிரயோகம்)
- சலுகையளித்தல், உறவினருக்கு ஆதரவளித்தல், தன் சார்ந்த வாடிக்கையாளர்களுக்கு சலுகையளித்தல்
- நடத்தையை உருவாக்குதல், அல்லது முரண்படும் ஆர்வங்களிலிருந்து சுரண்டுதல்,
- முறையற்ற அரசியல் பங்களிப்புக்கள்.
